Manghang mangha si Catherine nang pumasok sila sa bakuran ng bahay ni Marius. Napakalawak nito at napapalibutan ng matataas na pine tree. Iba’t ibang klase ng halaman at mga bulaklak ang makikita sa paligid. Napakagandang tanawin, para itong malaking park. Ilang metro pa bago nila narating ang pinaka-bahay ni Marius. Malayo pa lang ay nakita na ito ni Catherine. Maging si Roy ay napasinghap sa sobrang gulat. Para itong mansyon. Hindi ito tipikal na bahay na makikita sa Pilipinas. Mediterranean-inspired ang itsura nito sa labas pa lang. Kaya alam na ni Catherine na bonggang bongga din ito sa loob.
“Daddy!” Boses ng bata ang agad na sumalubong sa kanila. Tumatakbo ito papalapit sa kotseng sinasakyan nila na kakahinto lang sa tapat ng pintuan. Lumabas si Marius at inalalayan din si Catherine
