Kinabukasan, araw ng Linggo, maaga pa ay nasa bahay na nina Grace si Catherine. Katulad ng kuya niya, gulat na gulat din si Grace nang makita si Catherine. Sumalubong ito sa gate pa lang at parang mga batang nagsisigaw ang dalawa at sabay nagyakap.
“Ano’ng meron, Cath? Napasyal ka? Natuwa naman akong nandito ka, miss na miss ka na namin.”
“Well, na-miss ko na din kayo.”
“Halika, pasok ka. Tamang tama, nag-aalmusal pa lang ako. Sabayan mo na ako.”
“Sinadya ko talagang hindi mag-almusal sa amin, alam ko nag-aalmusal ka nang ganitong oras.” Sabi ni Catherine sabay nagtawanan silang dalawa.
Pagpasok nila sa loob ay agad na hinanap ni Catherine ang mga magulang ni Grace.
“Naku, maaga silang umalis. Hindi ko naman natanong kung bakit, buong linggo kasi akong abala sa school. Itong sin
