Nang tuluyang bumuti ang pakiramdam ni Allyson ay hindi talaga siya tinantanan ni Vince hangga't hindi siya nito naiisama sa bahay nito with her son. Mabuti na lang at bago matapos ang araw ay naging maayos ang pakiramdam niya sa tulong na rin ni Vince.
Inalagaan siya nito buong araw at buong araw din siyang hindi nakalabas ng kwarto. Bed rest lang siya buong araw kasama ang anak niya. At tungkol naman kay Danny, kinausap ito ni Vince bago sila umalis at mabilis naman itong nakumbinsi ng binata na siya talaga ang asawa nito. Siya na rin ang nagdesisyon na aalis na sila sa poder nito na hindi naman nito hinadlangan sa bandang huli.
At ngayon nga ay sakay na sila ng sasakyan patungo sa bahay ni Vince. Wala silang naging imikan bukod sa anak niyang sobrang daldal kausap nito ang papa nito.
