ISABELLA
NAMUMULA ang mukha ni Papa Adriano sa matinding galit ng malamang inoperahan ko si Brianna. Wala kasing pahintulot mula sa head doctors ang ginawa ko.
“Hindi ka nag-iisip, paano kung mamatay ang bata? Sa akala mo ba ay hindi ka makukulong o mawawalan ng lisensya?” hindi siya sumasagot at nananatiling nakayuko. Tama ang kanyang ama at hindi malayong mangyari sa kanya ang sinasabi nito. Subalit wala siyang pagpipilian kundi sumugal at makipag agawan kay kamatayan.
Magmula ng maging doctor siya ay isa lamang ang nakatanim sa kanyang isipan. Never give up, at kahit siguro isang porsyento na lamang ang natitira ay ooperahan pa rin niya ang kanyang pasyente. Kaya nga tinagurian siyang the golden hand. Dahil wala siyang sinukuan na kahit sino. Kahit dying na ito ay ooperahan pa rin ni
