NANG mga sumunod na araw, lahat ng inutos ni Tito Ivann, sa kanya ay sinunod niya. Pati ang maliit nitong negosyo ay binigay ang pangangasiwa sa kanya. Sinabihan pa siya na kailangan maging maayos ang income sa araw araw. Sa simula ay mahirap, lalo pa ay maliit lang ang pera na pumapasok. Kung maaari lang ay siya na ang magbabayad ng mga paninda ng store nito upang mabilis lang maubos. Ngunit binigyan siya ng warning, hindi niya maaaring gamitin ang sariling pera upang bilihin ang mga produkto nito. Kaya ito siya tiis at tiyaga ang puhunan.
“Anong nginingitingiti nyong dalawa riyan?” sigaw niya sa dalawa na si Erwin at Jurrell.
“Wala naman Boss Dave, natutuwa lang kami at ang kagaya mo ay marunong nang humawak ng ganyang maliit na negosyo. Para kang intsik doon sa palengke, kahit singko
