MALAPIT nang matapos sa paglilinis si Dave sa silid ni Trisha ng isang libro ang nakita niya sa pinakailalim ng mga damit. Akmang ilalagay niya iyon sa book shield ng mapansin na isa pala iyong Journal. Ayaw sana niyang buksan iyon dahil alam niyang private ang nilalaman n'on na 'di dapat makita ng iba. Subalit may nagtutulak sa kanya na basahin iyon, kaya ito at dala ang Journal ay nagtungo siya sa sofa na naroon. Pagka upo ay mabilis na sinimulang basahin ang nilalaman ng Journal.
Journal- l- Ang simula;
Kararating ko lang sa bansang Pilipinas, upang makita ang lalaking nakatakda kong pakasalan. Bagaman at hindi ko matandaan ang kanyang mukha ay naglakas loob akong bisitahin siya. Ang sabi ng aking ama at ina ay malapit na raw ang araw ng pag iisang dibdib naming dalawa. Kaya mas mabut
