Nakangiti kong sinalubong ng yakap si Eloisa ng bumaba s’ya ng sasakyan. Masaya ako na makita ulit s’ya dahil ilang buwan din kaming hindi nagkita ng bumalik sila sa Maynila.
“I miss you,” sabi n’ya sa akin.
“Mabuti naman at sumama ka sa kanila,” sabi ko sa kanya.
“Syempre naman saka gusto ko ulit bumalik dito, next time ikaw na ang isasama ko sa Maynila” sabi n’ya sa akin at ngumiti lang ako sa kanya.
Hanggang ngayon ay wala pa rin alam si Eloisa sa tunay na pagkatao ko. Hindi ko pa nasasabi sa kanya dahil pinigilan ako ni Alton. Hayaan ko na lang daw muna dahil wala rin naman daw alam si Eloisa tungkol sa pamilya ko dahil matagal s’yang nanatili sa France.
“Kumain na muna tayo sa loob at nagluto ako ng madaming pagkain,” sabi ni nanay Lourdes sa amin.
“Kaya gusto ko lagi dito
