Buong maghapon akong nagkulong sa opisina ni mommy at wala akong tinatanggap na kahit na sino sa loob ng opisina kaya si Nikko ang humaharap sa kanila. Alam naman ni Nikko ang kalakaran sa kompanya at mas may alam pa nga s’ya sa akin dahil matagal na s’yang kasama ni mommy. Inabala ko na lang ang sarili ko sa pagbabasa ng mga papeles na nakatambak sa desk ni mommy at saka inisa-isa ang mga kontrata na hindi pa n’ya nakikita at habang binabasa ko ang mga nakatambak na papeles n’ya dito sa desk n’ya, nabasa ko rin ang project na gagawin nila kasama ng mga Ferrer. Hinihiling ko lang talaga na bumalik na si mommy o kaya si Nikko na lang ang bahalang humarap sa project na yon. Mainam ng iwasan ko na lang sila kesa naman gumanti pa ako. Wala naman mangyayari kung maghihiganti ako sa kanila, gust
