Maaga akong nagising ngayon dahil kailangan kong pumunta ng airport para sundiin sina abuelo at abuelo pero hindi pa man ako nakakalabas ng kwarto ko ay nakaramdam na ako ng pagkahilo at para akong maduduwal kaya naman nagmamadali akong dumiretso sa banyo ko at doon sumuka ng sumuka. Ilang araw ko na ‘tong nararamdaman at nagsisimula na akong kabahan ngayon dahil hindi na maganda ‘to sa totoo lang. Ayokong mag-isip ng kung ano pero natatakot ako sa kakalabasan kung magpapacheck-up man ako. Hindi ko kasi alam kung anong magiging resulta kung sakali man.
Napasandal ako ng pinto ng banyo namin at napabuntong hininga na lang. Kailangan ko na siguro magpacheck up para malaman ko kung ano ba ‘tong nangyayari sa akin. Inayos ko muli ang sarili ko saka ako lumabas ng kwarto ko at bumaba. Naabuta
