Hindi ko alam kung paano ko ipapaliwanag ang sayang nararamdaman ko ngayon dito sa puso ko, sa loob kasi ng isang buwan simula noong sinabi ko kay Alton ang totoong pagkatao ko at simula rin ‘non ay hindi na namin pinag-usapan kung sino ba talaga ako kahit na noong nakabalik na sina nanay Lourdes dito, ipinagwalang bahala na lang n’ya ‘yon na para bang walang nangyari at s’ya na rin ang nagsabi sa akin na huwag ko ng sabihin sa kanila kung sino na ba talaga ako, sapat na daw na s’ya na lang ang may alam ng totoong pagkatao ko. Pumayag naman ako sa gusto n’ya at hindi ko na rin sinabi kina nanay Lourdes ‘yon. Simula ‘non ay naging maayos na ang lahat at hindi ko na rin iniisip ang mga bagay na maaring mag paalala sa akin ng mga bagay na kinalimutan ko, hindi naman nagtatanong sina nanay Lou
