SOBRANG BILIS ng oras. ‘Di ko inakalang Sabado na ngayon. Parang kahapon lang, inaway ako ni Hazel dahil nilalandi ko raw si Ayden. Nagulat ako no’ng bigla niya akong hinila papunta sa hagdanan ng rooftop no’ng vacant. Gigil na gigil ang gaga sa akin at pinisil pa ang braso ko. Nagkapasa tuloy. Iniwan kong nag-tantrums. May saltik ‘ata sa utak si Hazel, eh.
“Basta, ‘nak, ha. Behave. Huwag isuko ang bataan.” Nanlaki ang aking mga mata nang marinig ang sinabi ni mama. Napahawak ako sa aking dibdib.
“Ma! Ano ba iyang pinagsasabi mo?” Binigyan niya ako nang mapang-asar na ngiti bago ako hinila at hinalikan ang aking pisngi. Nagmano naman ako sa kanya. Itong si mama talaga, oh! Kung ano-ano lang ang iniisip. Pati relasyon namin ni Ayden binibigyan ng malisya!
