“AYAN, TAPOS na,” sambit ko nang maluto na ang cookies. Sinamaan ko ng tingin si Ayden nang magsimula na sana siyang lantakan ang fries. Kumunot ang kanyang noo.
“What?” tanong nito. Bumaba ang kanyang tingin sa hawak kong tray na may laman na cookies. “Luto na ‘yong cookies so pwede na tayo kumain?” dagdag pa nito. Umiling ako.
“Mamaya na! ‘Pag nanood na tayo ng movie. Baka hindi pa tayo nakapagsimula, ubos na ‘yan,” I stated. Nilagay ko muna sa bowl ang cookies at nilapag ang bowl sa mesa. Tiningnan ko siya. “Maghintay ka muna r’yan. Pagkatapos kong maghugas, saka tayo pupunta sa sala.” ‘Di ko hinintay ang kanyang sasabihin at mabilis na tumalikod.
I let out a sigh upon seeing the materials and equipment that we used. Ang dami! Pero sanay naman akong mag
