ILANG minuto na silang nakaupo sa coffee shop na pinanggalingan nila kanina. Tahimik lang sila habang nakatitig sa isa't isa.
Sa tuwing titingnan niya si Ethan sa mga mata ay hindi niya ito kayang titigan ng matagal, siya ang unang nagbababa ng tingin. Mayroon sa tingin nito na tila siya pinag-aaralan ng binata.
Malaki ang pinagbago nito. Bahagyang nadagdagan ang timbang nito pero hindi naman nawala ang makisig nitong pangangatawan. Higit itong pumuti kaysa natural nitong kulay at higit din itong gumuwapo kaysa noong huling nakita niya ito.
"Umh, nakauwi ka na pala...Kailan pa?" pag-uumpisa niya.
"Iyan ba ang gusto mong pag-usapan natin, Sanya?" walang emosyong tanong nito.
Hindi naman 'yon ang intensyon niyang itanong. Hindi lang niya alam kung paano sisimulan ang pag-uusap nila.
"S
