TINUNGGA ni Stone ang basong naglalaman ng alak at tiim ang bagang na pinahid ang basang pisngi. Gusto niyang malasing hanggang sa hindi na siya makabangon pa.
Nilulunod niya ang sarili sa alak para makatulog agad at sa paggising ay muli siyang magpapakalasing. Kailan pa siya ganito? Since one month ago.
Sinisisi niya ang sarili sa pagkawala ni Zee. Nang balikan niya si Zee matapos ang labanan ay nawala ang katawan nito at hanggang ngayon ay hindi pa ito nahahanap. Maraming nagsasabi na na marahil kinain na ito ng isa sa Omega na nakalaban nila pero hindi niya gustong maniwala dahil ramdam niya na buhay pa ito.
Nang wala ng laman ang basong hawak niya ay muli niya itong sinalinan at agad na tinungga. Nang hindi pa rin mahupa ang sama ng loob na nararamdaman niya ay hinawi niya ang lahat
