PAGOD at dumadaing sa sakit na tanging kadena nalang ang nagbibigay balanse sa katawan ni Stone. Sobra din ang kanyang panghihina, hindi din magawang maghilom ng mga natamo niyang sugat dahil sa wolfsbane.
Hindi niya alam kung papaano nagkaroon ng ganito ang kampo ni Troy. Hindi man siya sigurado pero natitiyak niya na may koneksyon ito sa mga Hunter.
Nakuyom niya ang kamao sa galit na nararamdaman niya. Makawala lang siya rito pinapangako niyang papatayin niya ito.
Ano kaya ang kalagayan ng second in command niya? Hindi na din niya magawang kumunek rito dahil sa panghihina. Hinihiling niya na sana buhay pa ito at ang ibang Delta.
Sinisisi niya ang sarili dahil sa matinding kapabayaan. Kung nakinig lang siya sa paalala ni Celestine tiyak na hindi ito mangyayari. Tiyak na hindi malalaga
