TINANAW lang ni Stone si Zee paakyat sa hagdan habang hirap na hirap ito sa bawat paghakbang nito. Gusto niya itong tulungan pero mayroon sa kanyang pumipigil na gawin 'yon.
Sa isang buwang pananatili nito sa poder niya ay wala siyang nakitang kasamaan rito. Kung minsan nga napapansin niyang natutulala ito sa isang tabi habang nasa malayo ang tingin. Pero iniisip niya na hindi dapat siya nagpapalinlang dahil alam niya na binabalakan din siya nitong patayin.
Hindi din siya tanga para madala sa kaamuhan at gandang taglay nito dahil kahit bali-baliktarin pa ang mundo isa pa rin itong hunter at kasapi ng Hunter Society na pumatay sa pamilya at sa mag-ina niya.
"Huwag mong tigasan masyado ang puso mo Hijo, dahil tao lang si Zee na pwedeng magkamali." si Manang Selga na lumabas mula sa kusina
