HALO-HALONG emosyon ang nararamdaman ni Zee habang humahakbang sila palapit sa ICU room.
Saya, pangamba at takot. Saya dahil muli niyang makikita si Stone pagkatapos ng mahigit apat na taon na pagtatago niya rito. Pangamba dahil hindi niya alam kung papaano niya ito haharapin pagkatapos ng pagtakas niya at takot para sa kanyang anak, hindi niya alam kung ikatutuwa ba nito kapag nalaman na nagkaanak sila. Isa pa noong sinabi nito na hindi nito gugustuhin na magkaanak sa kanya.
Napatingin siya kay Samantha nang hawakan nito ang kanyang kamay. Peke siyang ngumiti nang bigyan siya nito ng isang matamis na ngiti. Wala siyang makita na kahit na ano sa mga mata nito kundi excitement.
Isang hakbang nalang sila mula sa pinto ng kwarto nang huminto siya kuway nagpakawala ng hangin at pumihit paha
