ATHENA’S POV
“WAG PO!” Akmang papaluin ng lalaking naka-suit ang kamay ng anak nito nang sumigaw ako.
Napatingin sa akin ang lalaki habang nasa ere ang kamay niya. Kita ko ang panlaki ng mata niya pero inignora ko iyon. Nilapitan ko ang batang umiiyak at inilayo sa kanya.
“Okay lang?” masuyo kong tanong na ikinatango ng bata.
Puno ng chocolate ang mukha ng bata maging ang mga kamay. At nang tumingin siya sa ama nitong gulat na gulat ay ganoon pa rin ang reaksyon nito.
“What are you doing here?” Hindi pa rin maalis ang pagkagulat sa mata ng ama ng bata.
“Um, Boss. Sila ang…” Tumingin si Miss Rhoda sa kanya maging sa isa niyang kasamahan. “Sila po ang bagong ipinadala ng Kuya mo para mag-maintain ng cleanliness dito. You know, ayaw ni Boss Ben ng maduming paligid kapag umiikot dito.”
