ATHENA'S POV
"MAY nangyari ba sa bahay nila Boss nang pumunta ka doon? Bakit ayaw mong pumunta sa opisina niya?"
"Wala naman po. Wala naman kasing gaanong lilinisin doon, e," sagot ko. Ewan ko lang kung kumbinsido si Miss Rhoda. "'Yong medyo matanda na lang po sa akin ang ipadala niyo po doon para hindi masyadong mapagod."
"Okay." Ngumiti muna siya sa aking bago iginiya ang sarili paalis.
Ayokong sabihin ang nangyari dahil nakakahiya. Iniisip kong nandiri bigla si GS dahil umalis siya sa ibabaw ko matapos kong ulitin ang sinabi ko. Tapos no'n, natulala na. Sinamantala ko na nga iyon para bumalik sa silid ni Prince para doon matulog. At kinabukasan, maaga akong umalis at pumasok ng trabaho.
Simula nang araw na iyon, hindi na ako ang pumupunta sa taas kapag nagpapalinis si Boss. Iba
