Naghihintay lang kami lahat sa labas ng silid ni Fraynard, nang magising siya agad na tinawag ang doktor na tumitingin sa kanya, ilang beses nila akong tinatanong tungkol sa pag-gising niya pero wala akong maisagot, nalilito ako, bakit niya ako tinanong na kong sino ako, anong ibig sabihin n’un?
Ilang minuto lang ang lumipas ng lumabas ang doktor, lahat kami naghihintay sa sasabihin niya, tinignan niya kami isa-isa.
“Gusto ko lang sabihin sa inyo na meron siyang PTA or Post Traumatic Amnesia dahil ito sa aksidente na nangyari sa kanya, may ilang katanungan akong tinanong sa kanya, may mga bagay na naalala siya at may mga bagay na hindi naman, mas maganda kong wag ninyo siyang pipilitin sa isang bagay na hindi niya maalala. Maaring bumalik agad at maari ring mata
