SA Paglipas ng mga araw ay naging abala kami ni Reagan sa paghahanda para sa kasal namin sa simbahan. Kinuha nito ang serbisyo ng isang sikat na wedding coordinator para hindi na raw ako masyadong mahirapan, at wala ng ibang gagawin kung hindi mamili na lang ng mga gusto at ayaw ko para sa kasal namin. Excited ang lahat. Ang pamilya ko. Ang mga empleyado niya sa kompanya at lalong-lalo na ang mga kasama namin sa mansyon na para na naming pamilya. Pero higit sa lahat ay ako. Excited na ako na matupad ang dream wedding ko sa taong mahal na mahal ko. Hindi ako makapaniwala na magkakatotoo ang mga pinapangarap ko noon na ikakasal ako sa simbahan kasama ang prince charming ko na kagaya ni Reagan. Maging ang pangarap kong lalake ay natupad sa katauhan niya.
"This is going to be a wedding of th
