REAGAN
"EXCITED?" Papunta kami sa sikat na couturier na si Michael Marasigan para kunin ang sukat ng damit namin ni Luna. Tuwing may malalaking events akong dinadaluhan ay ito ang laging gumagawa ng mga suits ko kaya alam kong ito ang best option, lalong-lalo na ngayon sa pinaka-espesyal na araw sa aking buhay---ang kasal namin ng babaeng handa kong pag-alayan ng lahat. Dahil weekdays lamang available si Michael ay kinailangan kong umabsent sa opisina. Pero sinigurado naman nito na hindi ko na kailangang magpa-appointment. Nagbilin na daw ito sa secretary na darating kaming mag-asawa, at dahil suki na ako ng boutique nila ay pwedeng-pwede raw kaming mag-walk in anytime. Excited ako at alam kong si Luna ay ganoon din. Kanina pa ito nakangiti at alam kong nasasabik na rin itong tumingin ng
