"MALIGO ka na. May maligamgam na tubig na sa timba sa banyo. Ito naman 'yung pamalit mo." Iniabot ko sa kanya ang pares ng damit niya noon na naiwan dito. Basang-basa kasi siya ng ulan. Ako naman ay nabasa rin pero kinuha ko na lang sa punas ng tuwalya para tuyuin ang sarili. Nasa kusina kami at nagtimpla ako ng kape. Ibinigay ko ang isa sa kanya pero pagkatapos ng isang higop ay hindi na niya iyon muling ginalaw. Bagkus ay inubos na lang niya ang oras sa pagtitig sa akin. Tuwing palihim ko kasi siyang susulpayan ay nagsasalubong ang mga mata namin. "Ito ang gamitin mong towel." Iniabot ko iyon sa kanya pero sa malas ay hinila niya iyon dahilan para halos mapasubsob ako sa leeg niya. Sinamantala niya iyon at hinawakan ang ulo ko para ilagay sa dibdib niya.
"Sa ganito na lang ba tayo mata
