“S-SANDALI.” PIGIL KO kay Reyna. Hinawakan ko pa ng mahigpit ang braso niya.
“Bakit?” nagtatakang tanong niya sa akin.
“K-kilala ko ang kausap ni Madam.”
“Oh, I see. Hayaan mo sila. Akong bahala sa ‘yo.” Ngumiti sa akin si Reyna at humakbang na kaya napasunod na lang ako.
Inilinga ko ang paningin ko para hanapin si Thor. Ewan, bigla akong kinabahan dahil mukhang mga kilala sa business world ang mga narito. Nakahinga ako ng maluwag nang hindi mahanap ng mata ko si Thor.
Bigla akong nailang nang mapansing nakatingin na sa amin si Madam at Eziah, ang asawa ni Andrea na pinsang buo ni Thor sa side ni Papa Keith.
"I'm glad you came,” ani ng matanda at nakipagbeso sa kan'ya. "Ipapakilala kita, hija," bulong ng matanda sa akin.
Bigla akong kinabahan. Anong pangalan ba ang sasabihin ko?
