"ANONG GINAGAWA NIYO dito?" tanong ko habang papalapit sa kanila.
"Ahm, binibisita lang namin si Ytan. Pasens'ya na kung hindi kami nakapagsabi ng maaga. Gusto kasi siya makita ng anak ko. Sa Saturday na kasi ang alis namin papuntang States. Mag-stay na kami doon for good."
"Pasens'ya na, anak. Pinapasok ko na," singit ni Mama Thea sa amin. Nginitian ko siya at tinanguhan.
"Puwede ba kitang makausap? Kahit saglit lang?" tanong ni Vivien sa akin. "Kahit ilang minuto lang." Yumuko pa siya kapagkuwan.
Tumango ako sa kan'ya. "Sa hardin na lang siguro." Lumapit muna ako kay Ytan para halikan ito, gayon din sa kila Mama at Papa para makipagbeso naman.
Sumulyap ako kay Matthew na ngumiti sa akin, bahagya ko lang din siyang nginitian.
Iginiya ko si Vivien sa labas. Si Thor at Matthew naman a
