SA BAHAY AKO nagpahatid. Nasa biyahe ako nang maisip kong kaya ko naman na sigurong mag-drive. Hindi ko na lang sasabihin kay Thor dahil baka sasabihin niya, matigas ang ulo ko. Dinaanan ko ang isang sasakyan sa bahay. Pagbalik ko na lang kila Thor ako magta-taxi o magpapahatid sa driver namin kapag naroon siya. Malapit lang naman kasi sa bahay namin ang pinanggalingan ko.
“Shît!” ani ko sabay busina ng sunod-sunod.
Ito na nga ang sinasabi ko kanina na baka traffic. Kailangang maabutan ko ang nag-pick up ng envelope na ‘yon. ‘Di rin sumasagot ang opisina ng hahawak no’n.
“Come on!” Naiinis pa rin ako dahil ang bagal ng nasa unahan ko. Parang nagpa-practice lang magmaneho.
Nang makita ko ang kanto ay pumasok ako doon. May daan naman do’n. Sana lang hindi traffic din sa daang nilikuan
