NAPAPITLAG AKO NANG marinig ang pagkahulog ng ilang gamit. Nanggagaling na naman sa silid ni Ytan at Tarleton. Mukhang nagwawala na naman.
“A-anak!” ani ko nang makita ang ilang gamit sa sahig. May mga basag din na flowerbase.
“Nay! Ako na po,” pigil sa akin ni Ytan nang akma kong dadamputin ang nakakalat.
“Hindi, anak. May bubog, o. Ako na. Patahanin mo na si Tarl. Darating na ang Papa Reyn niyo.”
“Sige po,” ani na lang ni Ytan at nilapitan ang bunsong kapatid.
“Bakit ka na naman ba nagagalit?” dinig ko kay Ytan sa masuyong boses. Ang kapatid niya ang kausap niya.
“Gusto ko si Tatay ang kasama! Ayoko kay Papa Reyn! Ayoko!”
Nagkatinginan kami ni Ytan sa sinabing iyon ng bunso. Tumayo ako at lumapit sa kama kung saan naroon ang bunso kong walang humpay sa pag-iyak.
“A-anak. Alam m
