JULIA
“Haha. Kinginames, ang epic non, Juling. Pasalamat na lang din kayo at hindi hinabol ng itak ng Itang mo si Tin dahil sa nakita nila. Sino ba kasing nagsabi sa inyo na sa harap pa nila kayo magtukaan? Jusko, gagayahin n’yo pa ba ‘tong sila Pining Garcia sa kaharutan?” wow. Tawang-tawa ah. Ang saya-saya nila. Akala ko pa mandin, bibigyan nila ako ng advice dun sa nangyari sa akin kagabi. Pero may point si Klarisse. Mabuti na lang at hindi inilabas ng Itang yung itak n’ya nung nakita n’ya kaming may ginagawang kababalaghan sa may pinto.
At mabuti na lang at inaantok na silang dalawa ng Inang kagabi dahil kung hindi, mahaba-habang usapan ‘yon. Pero sinabi nila na kailangan nila kaming makausap ngayong araw tungkol don. So ayun, mas lalo akong kinakabahan. Sana natapos na lang pala yu
