CELESTINE
“Tin, gising na. Ay maya-maya’y tatawagan na tayo ni Madam Audrey para sa homecoming mo. Maaga ata ang simula ng parada mo dine eh. Ay nakita ko nga sa f*******: at twitter na ready na silang lahat pati ang mayor natin eh. Pati nga ang mga maestra natin noon at mga kaeskwela’y may inihanda din para sa pagdating mo. Ay sobrang proud talaga sila sa iyo!” gusto kong sabihin kay Rian na kanina pa ako gising pero wala lang talaga akong lakas. Paggising ko kaninang umaga, kahit anong pilit kong tumayo, hindi ko kaya dahil nahihilo ako at kumikirot yung ulo ko. Parang hinang-hina din ako at ang init ng pakiramdam ko.
Sa tingin ko, bumigay lang yung katawan ko dahil sa sunud-sunod na trabaho at pagtetraining nitong mga nakaraang araw. Kaya siguro masama yung pakiramdam ko ngayon.
“T
