" 'T-tay..." basag ang tinig na saad ni Emma. Luhaan ang kanyang mga mata habang nagmamakaawang nakatitig sa kanyang Ama. Magmula kanina na nakumpirma nga nila na nagdadalang tao ang anak niyang babae ay wala na itong kibo. Tahimik lang sa isang sulok ang Ginoo na halatang malalim ang kanyang iniisip. At ngayon ay hindi na nakatiis pa si Emma. Naglakas loob na siyang lumapit dito para sana magpaliwanag at humingi na rin ng patawad.
Aminado ang dalaga na nagkasala siya dahil itinago nito ang totoo niyang naging trabaho sa syudad. At ngayon nga ay bulgar na sa lahat kung ano talaga ang totoong trabaho niya doon. Ramdam ni Emma ang sama ng loob ng kanyang Tatay. At ilang araw na itong hindi nagsasalita. Kahit sa harap ng kanyang Nanay ay bihira na lang itong magsalita. Kung tatanungin naman
