Galit at poot ang nararamdaman ni Xander para sa taong nasa likod ng kaguluhang nangyari. Hindi man nasaktan ang kanyang asawa at ang kambal nitong mga anak, pero nawala naman ang asawa ng kapatid ni Emma at ang isa sa mga tapat niyang bantay. Ngunit ang takot na naidulot niyon sa kambal ay walang paglagyan. Maging sa mga taong nakatira doon na talaga namang nagimbal ang tahimik nilang pamumuhay
"Oh my God," napasinghap si Emma nang sumalubong sa mga mata niya ang lalaking nakagapos habang naliligo na sa sariling dugo. Bumaba ang tingin niya sa katawan nito habang nakatakip ang palad ni Emma sa kanyang bibig. Agad siyang napahawak sa balikat ng asawa nang makita ang hita nitong may sugat at dumudugo.
"Bakit hindi niyo pa pinatay?" Narinig niyang tanong ni Xander dahilan para lumipad s
