"Bunso..." isang malakas na sigaw ang pumukaw sa atensyon ng lahat. Halos sabay na napalingon sa labas ng bahay ang tatlong taong nasa loob niyon at hinanap kung saan nanggagaling ang tinig.
Lihim na napabuntong hininga si Emma nang matanaw ang kuya nito sa labas ng kanilang bahay. Kung hindi siguro ito dumating ay baka napuno na siya ng mga katanungan. At hindi niya alam kung paano sasagutin ang kanyang mga magulang kung nagkataon. Mukhang nanggaling sa bukid ang nakakatanda dahil marumi ito dahil sa mga putik na nasa suot ng damit niya.
"Kuya," masayang sabi ni Emma. Tumakbo papalapit sa dalaga ang kanyang kuya kaya hinanda na nito ang sarili. At hindi nga siya nagkakamali dahil hindi pa man siya nakakahinga ng malalim ay nasa harap na nito ang lalaki habang may mapalad na ngit
