"Xander, kinakabahan ako. Ikaw na lang kaya ang humarap sa kanila? Dito na lang kita hihintay," sabi ni Emma na hindi malaman kung uupo o tatayo habang hinihintay na matapos sa pagbibihis ang binata. Kanina pa siyang tapos magbihis dahil maaga siyang naligo. Talagang maagang naliligo ang dalaga dahil nakasanayan na niya iyon pero nang umagang iyon ay mas maaga pa siyang nakaligo dahil ginawa siyang agahan ng binata at saka siya muling tinulugan nito.
"Emma, nag-usap na tayo tungkol diyan. Sabay natin haharapin ang pamilya ko. Nandito naman ako, kasama mo kaya hindi ka dapat kabahan. Hindi naman kita pababayaan doon," malumanay na sagot ni Xander. Nagpapa-intindi ang nangungusap niyang tinig. Kinakabahan na nag-iwas ng tingin si Emma. Mula sa pagkaka-upo ay marahas siyang tumayo at 'di m
