"Good morning, Ms.Dominguez!" masiglang bati ni Arthur.
Napakislot sa gulat ang dalagang guro lalo pa ng bigla na lamang sumulpot sa harapan niya ang binata. May tangan itong isang bungkos ng bulaklak na sa tantiya niya ang bilang ay nasa isang dosena.
"White roses for you, Ma'am," sabi nito habang iniaabot sa guro ang mga bulaklak.
"Hindi ka na sana nag abala. Ang totoo sa araw-araw na pagbibigay mo sa akin ng bulaklak ay nag-mukha ng flowershop itong classroom namin. Ito na ang huling beses na tatanggap ako ng bulaklak mula sa'yo. Ayoko kasing masayang lang ang perang pinaghirapan mo. Naa-appreciate ko ang ginagawa mo at ang effort mo, kaya lang nakita mo naman nalalanta lang ang mga bulaklak."
"Ganu'n ba? Sige, iba na lang ang ibibigay ko sa'yo sa susunod," sabi ni Arthur na hindi n
