Dumating na ang mga magulang ni Maria, natapos na ang mahigit dalawang linggo nitong baksyon sa New York. Bumalik na rin si Drake sa condo niya. Nagpapasalamat siya sa kaniyang kapatid dahil wala itong sinabi sa kanilang mga magulang sa natuklasan nito tungkol sa relasyon nila ni Brix.
"Wow! Ang ganda-ganda mo talaga. No wonder, anak nga kita, manang-mana ka sa akin, eh. Ganyang-ganyan ako nu'ng kabataan ko. Where are you going, sweetheart?" tanong ni Lucille sa anak. Kasalukuyang bumababa si Maria ng hagdan suot ang silver gray na off shoulder mini dress.
"Imbitado ako sa isang awards night, Mommy," sagot ni Maria. Ngumiti siya at yumakap sa ina. "Saan pa ba ako magmamana kung hindi sa'yo lang naman talaga?" aniya rito.
"Shh… huwag kang maingay, baka marinig ka ng daddy mo at kumontra
