Nagmamadaling tinungo ni Arthur ang bahay ni Judge Almonte. Tumawag kasi sa kaniya si Brix at sinabihan siyang pumunta roon.
"Boss, bakit mo 'ko pinapunta rito?" humahangos na tanong nito sa kaniyang amo.
Hindi pa nakakasagot si Brix sa tanong ni Arthur ay siya namang dating ni Olga.
"Ano'ng meron dito?" tanong nito na nagpalipat-lipat ang tingin kay Brix at Maria.
"Teka... bakit kayo magkasama?" takang tanong pa nito.
"Oo nga, bakit nga pala kayo magkasama?" segunda ni Arthur, ngayon lang niya napagtanto na magkasama nga ang dalawa.
"We're getting married today and we need a witness, kaya namin kayo pinapunta rito," sabi ni Brix. Inakbayan niya si Maria at ang dalaga naman ay yumakap sa bewang nito.
"Ayun oh, sa wakas magkakatuluyan na rin sila," tuwang sabi ni Arthur, napapalakp
