"Oh, bakit hindi papasok si Nicole?" tanong ni Arthur kay Wilma. Siya sana ang maghahatid sa bata sa eskwelahan dahil may out of town si Gener, si Lucille naman ay meeting ngayong araw.
"Ayaw niyang pumasok, may family activity sila ngayon, wala naman siyang maisasama sa school nila. Hindi naman daw siya makakasali sa mga activity kaya hindi na lang siya papasok," sabi ni Wilma.
"Hindi pwede 'yan, bihisan mo na si Nicole kawawa naman ang inaanak ko, alam kong gustong-gusto niya na pumupunta sa mga family activity sa school. Ako na lang ang sasama sa kaniya tutal ako naman ang pangalawang ama niya," presinta ni Arthur.
"Talaga! Pero kailangan daw kumpleto, may mommy at daddy," ani Wilma.
"Ganu'n ba?" Napahimas sa baba si Arthur at nag isip.
"Ah, alam ko na. Ikaw ang daddy at ako na lan
