Sunod-sunod ang pagtunog ng doorbell mula sa labas. Nagtataka si Drake kung sino ang naroon, wala naman siyang inaasahang bisita ngayong gabi.
Dali-dali siyang bumaba ng hagdan para tunguhin ang pinto. Tiningnan niya sa monitor na nakakabit sa gilid ng pinto kung sino ang naroon at nakita niya ang kaniyang kapatid na si Maria. Agad niyang binuksan ang pinto.
"Oh, gabi na ano'ng ginagawa mo rito? Alam ba nila Daddy at Mommy na pupunta ka rito?" salubong na tanong ng binata sa kaniyang kapatid.
Imbes na sumagot ay yumakap lang si Maria sa kaniyang nakatatandang kapatid habang umiiyak.
"Kuya..." tanging nasabi nito sa pagitan ng paghikbi.
Nag alala naman si Drake. Hindi siya sanay na ganito ang kapatid kaya siguradong may matinding suliranin ito.
"Bakit ano ba'ng nangyari? May problema
