Ilang beses akong nagkamali sa aking ginagawa, kaya ilang beses ko din itong inulit. Pero pagkatapos naming kumain ng hapunan, naging okay na ako kahit paano.
May text kanina si Jab, pupunta sana siya dito pero sinabihan ko na sa susunod na lang. Masakit ang ulo ko at ayaw ko ng kausap.
Alas-nuebe nang matapos kami. Pinauna ko nang umuwi ang mga trabahador. Kumuha naman muna ako ng ilang videos, para i-update ang aking client.
Paglabas ko, nakita ko si Andrew sa tapat...na inaasahan ko na. Nagngangalit akong tumingin sa kaniya.
"A-Anna..."
Inilang hakbang ko ang pagitan namin bago siya sinampal. Isang sampal sa kaliwa, bago lumipat sa kanan. Hindi niya ako pinigilan sa aking ginawa. Para bang gusto niyang ulitin ko pa ang aking ginagawa.
Hinampas ko ang kaniyang dibdib. Sinunto
