"Bakit ka umiiyak?"
Nagulat ako sa biglang pagsalita ni Papa sa aking likuran. Gising pa pala siya. Dito ako sa kusina dumiretso para sana umimom ng tubig.
"Ah, Pa. Ba't gising ka pa po?"
"Ba't ka umiiyak?"
Naupo ako sa high chair. Tumabi din siya. Maya-maya ay nagising din si Mama kaya lumapit din siya sa amin.
"Ba't ka umiiyak? Ginugulo ka ba ni Andrew?"
Umiling ako. "Anna!"
"Kasal po ako, Ma, Pa."
"Ano'ng ibig mong sabihin? Pinakasalan mo ba si Jab? Ba't hindi ka man lang nagsabi?"
"Kay Andrew po..." mahinang usal ko.
"Kailan?"
"Matagal na po. Nang magsama kami. Pero wala po akong alam. Nito ko na lang din po nalaman. Sinabi niya. Hindi ako naniniwala kaya kumuha ako ng Cenomar."
"Kasal kayo?" Tumango ako.
"Ang gago talaga!" Hinampas ni Papa ang counter.
"Pa..." Kaya
