Pagsapit ng umaga, nagsabi si Allesia na ayaw pa din niyang umuwi. Gusto daw niya dito at gusto niyang mag-swimming mamaya.
Wala namang problema sa akin, kaso baka nami-miss na siya nina Papa at Mama. Hindi sila sanay na wala kami sa bahay. Lagi kaming magkakasama.
At hanggang kailan niya gustong mag-stay dito?
Feel at home siya dito. Ganoon din ang pakiramdam ko noon. Gustong-gusto ko din dito noon.
Pancake at eggs ang breakfast namin ngayon. Iyon lang kasi ang nabili namin sa convenience store kanina. Habang nagluluto ako, nagtitimpla na din ng kape si Andrew.
Tahimik akong kumakain habang nag-uusap naman ang mag-ama. Madaming mga katangungan ang bata. Interesadong-interesado ito sa lalake.
Nakangiti si Andrew habang sinasagot isa-isa ang mga tanong ng kaniyang anak.
Gusto
