Naghilamos na muna siya bago nagtungo sa silid ni Nikolai. Nadatanan niyang gising pa ang anak at binabantayan ni Manang Elen.
"Hi, Nikolai, how are you son?" Malambing niyang tanong sa anak na nakangiti habang nakatingin sa kanya.
"Kumusta naman po siya kanina Manang?" Tanong niya kay Manang Elen. Si Nikolai ang inaalala niya kanina nang malamang nais ni Pia na manggulo, buti na lang at hindi na lumaki pa ang panggugulo ni Pia sa kanila.
"Mabuti naman ho Ma'am Atasha, umalis po kami agad kanina nang pagtawag niyo sa akin," tugon sa kanya ni Manang Elen.
"Salamat po Manang," pasalamat niya at bigla niyang narinig ang pag ring ng cellphone sa bulsa. Agad niyang kinuha iyon at nabasa ang pangalan ni Karina.
Napatitig siya sa cellphone, nagdadalawang isip kung sasagutin ang tawag o hindi
