"Nico! Nico!" Malakas niyang sigaw sa pangalan ng asawa habang pinapasok siya sa ER manganganak na siya kay baby number 2. Madaling araw pumutok ang panubigan niya kaya kinailangan siyang isugod ni Nico sa Donya Feliza Hospital. Si Manang Elen ang naiwan muna kay Nikolai.
"I am here, sweetheart, I am here," narinig niya ang natatarantang tinig ni Nico, hawak pa nito ng mahigpit ang kanyang kamay. Hindi lang niya mapigilan ang sumigaw ng malakas sa sakit na nararamdaman. Naranasan na niya minsan ang ganito kasakit nang manganak siya kay Nikolai ay eto ginawa na naman niya, dahil alam niyang masarap at walang kasing saya ang kapalit ng sakit na ito.
"Sir, sa labas na lang po kayo maghintay," narinig niyang sabi ng isang nurse sa asawa niya kaya napilitan na si Nico na bitiwan ang kamay ni
