Napangiti si Renzo habang pinagmamasdan ang anak na naglalaro ng bola sa malawak nilang bakuran. Wala itong kamuwang-muwang sa mga nangyayari. Hindi niya alam kung sa pagsapit ba nito sa tamang edad at mayroon ng sariling pag-iisip ay natatanggap ba siya nito.
Sa totoo lang naging makasarili siya sa kanyang naging desisyon. Hindi niya naisip ang magiging kalagayan ng anak. Kasama rin itong kukutyain ng mga tao. Pagdududahan rin ang kasarian nito. And worst, baka gawin itong katatawanan ng mga kaklase daahil sa pagkakaroon ng ama na isang bakla.
Pero hanggang kailan magtatago at magpapakaalipin sa takot ang mga tulad nila sa lipunan? Gusto niya na sila ni Darren ang magsilbing daan para lumawak ang pang-unawa ng mga tao tungkol sa mga uri nila.
Nakausap na niya ang kanyang ex-partner na
