Napangiti si Darren nang makitang lumabas na si Renzo sa bahay ng magulang nito kasama si Kyle. Nasa kotse lang siya. Naghihintay. Sinundo kasi nila si Kyle dahil balak nilang makabonding ito. Nakakalungkot lang na hindi ito pwedeng ipasyal sa mall dahil maaring may makakita sa kanila na kakilala nila at magduda pa sa kanila.
Kailangan nilang mag-ingat. At isa pa ay ayaw din niya madungisan ang pangalan ni Renzo ng dahil sa kanya.
Nang pumasok sa kotse si Kyle ay bakas sa mukha nito nang makita siyang nakaupo sa panghuling bahagi ng kotse ng ama nito.
"Kuyang Pards!" agad siya nitong niyakap. "Bakit ka nandito kasama si Daddy?"
Tumitig siya kay Renzo sa salamin ng kotse nang makapuwesto na ito driver's seat. Pigil niya ang ngiti nang kindatan siya nito.
"Namiss kasi kita at gusto kong
