Azariah's POV
Lahat ay hindi makapaniwala sa narinig mula kay Gunner. Ako man ay natuod sa kinatatayuan ko at hindi alam ang gagawin sa tagpong ito. Ang nakikita kong Gunner Mondego ay isang matapang at walang kinatatakutan, tipong ikaw ang luluhod sa kanya at hindi siya. Pero ngayon ay ibang Gunner Mondego ang nakikita ko, wala ang tapang at tindig. Isang nagmamakaawang Gunner ang nasasaksihan naming lahat. Ni sumagi sa isipan ko ang ganitong side niya ay hindi ko man lang naisip. Dahil ang tingin ko sa kanya o halos lahat ng karamihan ay isang mataas na tao na hindi mo mapapaluhod sa kahit na sino.
Sumikip ang dibdib ko hindi sa sakit kung hindi dahil sa saya at tuwa dahil sa mga narinig ko mula sa kanya. He wants to leave his dangerous job for me and Zelle. Gusto niya ng tahimik na bu
