Ilang araw na ang lumipas ay nasa isip ko parin ang mga narinig. Wala akong ideya kung sino ang tinutukoy nila Gunner sa usapan nila, ni hindi ko kilala ang lalaki. Ni hindi ko nakita ang mukha nito.
Huminga ako ng malalim bago lumabas ng gate. Gusto kong maglakad-lakad para makasagap ng sariwang hangin at makahinga mula sa bahay.
Oo, umamin si Gunner na mahal niya ako at ganun rin ako sa kanya. Pero bakit may kakaiba akong nararamdaman ngayon? Parang may pag-aalinlangan. Parang may mali.
Lumapit ako sa isang mini park. Walang katao-tao dito ngayon kaya makakapag-isip ako ng maayos. Naupo ako sa isang swing at marahan na inugoy ito habang tinitingnan ang mga nagsasayawan na punong kahoy dala ng hangin na may kalakasan sa hindi kalayuan.
Sino nga ba ang kapatid ni Gunner na namatay? Bak
