3 YEARS AGO…
(Ysolde)
“DAY, tahan ka na! Babalik din naman si Senyorito, h’wag kang mag-alala!”
Hindi ko pinakinggan si Danna. Muli kong dinayal ang number ni Sir Ali. Kanina ko pa siya tinatawagan pero, hindi siya sumasagot.
Galit na galit siya sa ginawa ko. Pero hindi ba niya pakikinggan ang mga paliwanag ko?
“Solde, kumain ka na. Mula umaga ay hindi ka pa kumakain. Maawa ka sa sarili mo. Uuwi din si Senyorito at magkakaayos din kayo.”
Umagos ang luha mula sa mga mata ko. Nakahiga lang ako sa kama, ayokong lumabas. Ang tanging gusto ko lang ay umiyak at magmukmok hangga’t hindi bumabalik si Sir Ali.
Abot-abot ang dalangin kong bumalik na siya. Kahit galit pa rin siya sa akin ay okay lang. Kahit saktan pa niya ako o kahit hindi niya ako kausapin. Kahit ipagtabuyan niy
