“DITO po muna kayo pansamantalang tumira habang inihahanap namin kayo ni Solde ng bahay,” wika ko sa tatay at sa kapatid ang aking asawa.
Naroon kami sa aking condo unit na nasa fifteenth floor. Doon namin napagpasyahan na pauwiin muna ang mag-ama dahil ayon kay Sandro ay palaboy-laboy lang sila at kung saan-saan natutulog.
Na-hold up daw sila pagtuntong nila ng Maynila. Ang inaasahang pera na magsasalba sa kanila kahit paano sa ibang siyudad ay nawala lang basta at walang nagawa ang mag-ama kundi ang magtiis sa lansangan.
Nilingon ko si Solde na nakangiti at nakayakap sa baywang ni Ysandro. Naalala kong minsan sa buhay ko ay napagselosan ko ang kapatid niya.
“Tay, Kuya, nagpapa-deliver ng pagkain si Ali. Maya-maya lang ay narito na iyon. Sabay-sabay tayong kumain.”
Tumingin sa aki
