(Ysolde)
“A-ALI…” lumunok muli ako bago nagpatuloy, “h’wag mong hingin sa akin ang bagay na matagal ko nang sinukuan. Hindi na ako ang dating Solde. Iba na ang buhay ko ngayon.”
“I know. At tanggap ko ‘yon, Solde. Tanggap ko kung ano at kung sino ang meron ka sa buhay mo ngayon.”
Kumunot ang noo ko. Hindi ko alam kung anong isasagot. Napakabilis ng mga pangyayari, hindi ako handa.
Tila narinig naman ni Alistaire ang nasa isip ko. Hinawakan niya ako sa baba upang maitaas ang mukha ko.
“I’ll give you time to think about it. Kung ikaw sumuko na, ako hindi. At kahit kailan, hindi ako susuko sa ating dalawa, tandaan mo ‘yan.”
Nauna akong umalis sa kaniya. Sa side view mirror ay nakita kong nakatanaw pa siya sa akin bago siya sumakay sa kaniyang pick-up.
Namuo muli ang mga luha ko.
